Sorglegur fréttaflutningur

Sorglegur fréttaflutningur -  þetta er dæmi um gersamlega kópíeraða og gagnrýnislausa umfjöllun um mjög flókið, viðkvæmt og viðamikið mál sem varðar hvert mannsbarn. Mjög leiðinlegt að Morgunblaðið skuli ekki sjá sóma sinn í því að grafa ögninni dýpra. 

Wakefield sviptur læknaleyfinu

Óeðlilega illa skrifuð frétt...

... enginn metnaður hjá mbl lengur?

11 á slysadeild vegna reyks

Nýja Ísland

... ég vísa bara til þarsíðustu færslu.

 Mig vantar enn 100% stöðu, takk.

Guðjón Arnar í sjávarútvegsráðuneytið

Frábært framtak

Mér þykir hrikalega leitt að komast ekki á þennan fund, en ég hvet alla sem mögulega geta komist til að fara og sýna að okkur er ekki sama!

Hér er hægt að skrá sig í Hagsmunasamtök heimilanna

Góða skemmtun á laugardaginn!

Boða til fundar á Austurvelli

Nýja Ísland

Ég er 34 ára gömul, ég hef víðtæka starfsreynslu og meistaragráðu í mati og starfsþróun. Eftir brautskráningu úr HÍ leitaði ég að atvinnu í meira en ár (frá feb. 2007 – des. 2008 með hléi yfir sumarið 2008 þegar ég tók mér sumarstarf). Ég endurtek: meira en heilt ár. Þá á ég ekki við að ég hafi sótt um einhver örfá útvalin störf á þessum tíma – ég vann hörðum höndum á hverjum einasta degi, hringdi út um hvippinn og hvappinn, sendi fínpússuðu ferilskrána mína í öll hugsanleg fyrirtæki og stofnanir og fékk út úr því einhver starfsviðtöl en ekkert starf.

Á öllum þessum tíma var mér aldrei boðið í fría kynningu á sjálfri mér hjá Ríkissjónvarpinu. En það á nú sem betur fer ekki við um alla. Ónefndur atvinnuleysingi, sem þar að auki hefur talsvert forskot á mig hvað varðar tengsl við atvinnulífið (fyrir utan að vera kominn á þann aldur að vera búinn að koma ár sinni þokkalega vel fyrir borð eignalega séð og eflaust betur settur skuldalega séð heldur en flest yngra fjölskyldufólk) fékk að láta móðan mása þar í kvöld. Hann stærði sig af iðjusemi frá unga aldri, hve fjölhæfur hann væri, reyndur á mörgum sviðum, gæti gengið í öll verk og svo mætti lengi telja. Ég var að vaska upp og ekki beinlínis að hlusta nema með öðru eyra, en ég viðurkenni að ég fór að leggja við hlustir þegar hann fékk að halda opnu atvinnuumsókninni áfram ótruflaður.

En áhorfendum til ótvíræðs léttis kom strax í ljós að þessi góði maður þarf engu að kvíða. Gamli vinur hans sem sat þarna hjá honum er með ítök í nokkrum ráðuneytum sem útlit er fyrir að hann hafi áfram enn um hríð og það stóð nú ekki á honum að bjóða félaga sínum starf. Hann ætlar að hringja í hann bráðum.

„Nýja Ísland“?

Atvinnuleitin mín endaði á þann veg að ég tók starfi sem krefst engrar háskólamenntunar – starfi sem vissulega er þarft og gott og ekki á færi hvers sem er að vinna – en í engu samhengi við menntun mína eða reynslu.

Steingrímur, ég skal koma í hvaða ráðuneyti sem er og gera matsúttekt á hverju sem er, leiða starfsþróunina sem því fylgir þegar nýir ráðherrar taka við, nýrri stefnu verður hrint í framkvæmd eða hvað sem þú óskar. Steingrímur, hringdu í mig!

Elítan vill í ESB

„hvað sem er annað en Sjálfstæðisflokkinn“

Ókey, gott að Samfylking og Vinstri grænir mælast með meira fylgi en Sjálfstæðisflokkurinn. Mörg okkar raða flokkunum fjórum eftir reglunni afleitt, slæmt, skárra, illskást.

Eftir að ég fór að setja mig inn í hvað Borgarahreyfingin stendur fyrir hef ég spurt fólk í kringum mig um þeirra afstöðu. Allir eru sammála um að allt hafi verið í hers höndum, sé það að mestu leyti enn og lítil von um breytingu. Þess vegna velur fólk burt þá kosti sem eru afleitastir og situr uppi með það „skásta“.

Margir veigra sér við að kjósa Borgarahreyfinguna sem er eitthvað nýtt og mælist með hlutfallslega lítið fylgi. Ég hef ítrekað heyrt þau rök að það verði að kjósa einhvern af fjórflokkunum til þess eins að stoppa Sjálfstæðisflokkinn af. Í öllum þessum flokkum er samt fólk sem er búið að taka þátt í ruglinu og hefur ekki sýnt okkur sem sitjum í súpunni þann sóma að taka á því ábyrgð.

Ég ætla ekki að kjósa flokk, ég ætla að kjósa breiða hreyfingu með góða stefnuskrá, meðal annars í þeirri von að þeim takist að koma á breytingum á þessu úrelta og handónýta flokkakerfi.

Samfylking eykur forskot sitt

Aðeins nánar

Í framhaldi af fréttum af Eyjunni um að Moggabloggum sem snerust um heimildamyndina Zeitgeist Addendum væri lokað langar mig endilega að prófa. Hér er myndin:

http://video.google.com/videosearch?q=Zeitgeist+addendum&emb=0&aq=f#

Hún er róttæk og afar, afar áhugaverð - fjallar um vel þekkta hluti í samhengi. 

Það væri sérlega mikill heiður að fá blogginu lokað í ljósi þess að það les aldrei neinn Moggabloggið mitt.

Bíð spennt!

Zeitgeist Addendum

Zeitgeist Addendum, Zeitgeist Addendum, Zeitgeist Addendum, Zeitgeist Addendum, Zeitgeist Addendum, Zeitgeist Addendum, Zeitgeist Addendum, Zeitgeist Addendum, Zeitgeist Addendum, Zeitgeist Addendum.

Ókey?

Í vegi fyrir framförum

Aðrir bloggarar og annað gáfað fólk er nú þegar búið að segja allt sem segja þarf varðandi launabaráttu ljósmæðra. Í stuttu máli hefur Véfréttin ekki heyrt eina einustu úrtölurödd - enginn hefur andmælt því að ljósmæður eigi skilin mannsæmandi laun fyrir það ómetanlega starf sem þær vinna. Samt gerist ekkert.

Á meðan ekkert gerist verða heldur engar framfarir og þegar loks næst lending, hugsanlega eftir mikið japl, jaml og fuður, þá mun það taka tímann sinn fyrir hlutina að færast aftur í samt horf, sem er grundvallaratriði til þess að þróun geti haldið áfram að eiga sér stað.

Öll störf eru einstök og það er ekki ætlunin að gera lítið úr öðrum störfum með því að upphefja ljósmæðrastarfið. En fyrir utan að hafa öll fæðst og hafa langflest notið við það aðstoðar ljósmóður eigum við það einnig flest sameiginlegt að hafa komið að barnsfæðingu á einn eða annan hátt, sem foreldri, systkini, vinur eða vinkona. Flest erum við einnig sammála um að það hafi verið dýrmæt upplifun. Ljósmæður hafa unnið mikið starf við að gera fæðingarferlið sem best fyrir alla sem hlut eiga að máli, um leið og þær hafa öryggi móður og barns að leiðarljósi. Og þær eru færar - þær hafa jú 6 ára háskólanám að baki.

En á meðan þær fá ekki sómasamleg laun er allt strand. Véfréttin er fegin að þær skuli standa á rétti sínum en um leið miður sín yfir að stjórnvöld skuli ekki meta störf þeirra að verðleikum. Véfréttinni finnst það bera vott um að stjórnvöld virði ekki fólkið í landinu, hvorki foreldra né fædd eða ófædd börn þeirra.

„Enda erum við hörkutól“

Prófarkalesarar í sumarfríi

SNÉRI! Með é-i!

Véfréttinni finnst frábært að sjá að blaðafólk hins óskeikula Mogga eigi í vandræðum með é-reglur.

Og þó að Véfréttin þrjóskist við og skrifi sneri með e-i þá finnst henni aldrei nóg af é-um í heiminum.

Fleiri É!

Sneri við og lenti í Keflavík